Khutbah I
اَلْحَمْدُ للهِ الَّذِي أَصْلَحَ الضَّمَائِرَ ، وَنَقَّى السَّرَائِرَ ، فَهَدى الْقَلْبَ الْحَائِرَ اِلَى طَرِيْقِ أَوْلَى الْبَصَائِرَ ، أَشْهَدُ أَنْ لَا اِلهَ إِلَّا اللهُ وَحْدَهُ لَا شَرِيْكَ لَهُ رَبُّ الْعِزَّة وَالْبَصِيْرِ ، وَأَشْهَدُ أَنَّ مُحَمَّدًا عَبْدُهُ وَرَسُوْلُه نَبِيُّ الْمُصْطَفَى الْفَقِيْر ، اللهم صَلِّ وَسَلِّمْ وَبَارِكْ عَلَى سَيِّدِنَا مُحمَّدٍ خَاتَمِ الْأَنْبِيَاءِ وَالْمُرْسَلِيْنَ وَعَلى آلِهِ وأَصْحَابِهِ أَجْمَعِيْنَ، أمَّا بَعْدُ فيا أيها الحاضرون رحمَكُمُ الله ، اتقوا االلهِ فَقَدْ فاَزَ الْمُتَّقُوْنَ ، قال الله تعالى : يا أيها الذين آمنوا اتَّقُوْا اللهَ حَقَّ تُقَاتِهِ وَلَا تَمُوْتُنَّ اِلاَّ وَاَنْتُمْ مُسْلِمُوْن صَدَقَ اللهُ العَظِيم
Ma’asyiral Muslimin rahimakumullah
Wonten dinten Jumat ingkang kebak berkah meniko, monggo kito sami ningkataken raos takwo dumateng Gusti Allah kanti ngelampahi sedoyo perintahipun lan nebihi sedoyo awisanipun. Amergi raos takwo niku dados kunci ngeparek marang Gusti Allah, ugi saget pikantuk kabegjan ing dunyo lan akherat.
Sholawat serto salam keaturaken dumateng Kanjeng Nabi Muhammad, keluargo, sahabat ingkang dipun serupaaken kados rembulan lan lintang. Ugi saking Kanjeng Nabi Muhammad kito sedoyo ngajeng-ngajeng syafaatipun wonten dinten kiamat.
Gusti Allah dawuh wonten ing Al-Qur'an surat Ali Imran ayat 102:
يَا اَيُّهَا الَّذِيْنَ آمَنُوْا اتَّقُوْا اللهَ حَقَّ تُقَاتِهِ وَلاَ تَمُوْتُنَّ إِلاَّ وَأَنْتُمْ مُسْلِمُوْنَ
Artosipun: "Hei wongkang podo iman, takwaho siro kabeh marang Gusti Allah kanti saktemene takwo, lan ojo mati kejobo netepi Islam. "
Ayat puniko sejatosipun paring pangertosan marang kito bilih tiyang mukmin kedah ningkataken raos takwo ngantos ajal dumugi. Ucapan lan tindakan kedah dipun isi kesaenan, lan nderek perintahe Gusti Allah, ajeg ibadah ngantos pejah. Ampun ngantos diisi perkawis ingkang sia-sia.
Tentu sampun kito maklumi bilih menungso umume sering sanget kepleset ucapan lan tindakane, sehinggo ketingal awon, misal sering maidu, misuh, ucap olo, ngino, ngapusi. Ananging tindak lampah lan ucapan awon meniko tetap kedah dipun tebihi semampune.
Jamaah Jumat ingkang minulyo
Punopo kito kedah njogo ucapan? Amergi sedoyo perkawis ingkang sae utawi olo medale saking ucapan ingkang manggon ing lisan. Kanjeng Nabi dawuh:
سَلامَةُ الإنسانِ فِي حِفْظِ اللِّسانِ
Artosipun: "Keselamatane menungso ono ing dalem kemampuane njogo lisane" (HR. Bukhari)
Kedah kito sadari katah sanget ucapan ingkang mboten faidah medal saking lisan kito lan katah sanget tiyang ingkang loro ati sebab lisan kito. Pramilo kito kedah atos-atos marang lisan kito sedoyo. Ampun ngantos kebujuk howo nafsu sehinggo gampang misuhi tiyang lintu. Kanjeng Nabi dawuh:
سِبَابُ الْمُسْلِمِ فُسُوقٌ وَقِتَالُهُ كُفْرٌ
Artosipun: "Misuhi wong Islam iku kalebet penggawe fasik lan mateni wong Islam iku penggawe kufur," (HR al-Bukhari).
Misuhi wonten redaksi kasebat tegese nggih meniko ngelaknat tiyang Muslim soho ndungaaken keawonan supados ditebihaken saking kesaenan lan rahmate Gusti Allah. Misale: mugo-mugo Allah ngelaknati siro, siro keno laknat, siro pantes keno laknat, lan sak pitunggalanipun. Ucapan kados mekaten kalebet penggaweane tiyang fasik lan duso ageng.
Padahal Kanjeng Nabi sampun dawuh:
لَيْسَ الْمُؤْمِنُ بِالطَّعَّانِ وَلَا اللَّعَّانِ وَلَا الْفَاحِشِ وَلَا الْبَذِيءِ
Artosipun: "Tiyang mukmin kang sempurno imane niku mboten ahli nyacat, mboten ngelaknat, mboten ngucap olo, lan mboten ngucap olo," (HR. Tirmidzi)
Redaksi hadits meniko jelas sanget bilih ucapan olo kados misuh, ngino, lan ucapan lintu ingkang ngelarani tiyang lintu niku dilarang agomo lan mboten nggambaraken tiyang mukmin kang sempurno. Amergi Kanjeng Nabi Muhammad mboten nyontohi misuh, ananging ngajaraken akhlak mulyo.
Hadirin ingkang sami bahagio
Saking pepertelan kasebat, ucapan lan tindak lampah ingkang nyebabaken tiyang lintu atine loro, jengkel kedah dipun tebihi. Kados pundi supados saget ngerumiyinaken mikir-mikir sakderenge ngucap. Keranten naliko ucapan sampun medal, mongko bakal angel dipun tarik malih.
Kanjeng Nabi dawuh:
المُسْلِمُ مَنْ سَلِمَ الْمُسْلِمُوْنَ مِنْ لِسَانِهِ وَيَدِهِ
Artosipun: "Muslim kang sempurno imane yoiku wong kang iso nyelametaken muslim liyane saking gangguan lisan dan tangane" (Muttafaqun ‘alaih).
Pramilo, ampun ngantos kito ngino lan misuhi tiyang lintu, termasuk wonten media sosial, langkung-langkung marang tiyang fakir miskin ingkang dungane saget dipun ijabahi Gusti Allah nalikane didzolimi.
Mugi-mugi kito sedoyo pinaringan pitulung lan istiqomah saking Gusti Allah anggene ngelampahi kesaenan lan saget nebihi ucapan olo, mboten misuh, mboten caci-maki dateng sinten kimawon. Amin.
اَعُوْذُ بِاللهِ مِنَ الشَّيْطَانِ الرَّجِيْمِ بِسْمِ اللهِ الرَّحْمَنِ الرَّحِيْمِ قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ
بَارَكَ اللهُ لِي وَلَكُمْ فِى الْقُرْاَنِ الْعَظِيْمِ وَنَفَعَنِيْ وَاِيَّاكُمْ بِمَا فِيْهِ مِنَ الْاَياَتِ وَ الذِّكْرِ الْحَكِيْمِ. اَقُوْلُ قَوْلِي هَذَا وَاَسْتَغْفِرُ اللهَ الْعَظِيْمَ لِيْ وَلِسَائِرِ الْمُسْلِمِيْنَ فَاسْتَغْفِرُوْهُ مِنْ كُلِّ ذَنْبٍ اِنَّهُ هُوَ الْغَفُوْرُ الرَّحِيْمُ
Khutbah II
اَلحَمْدُ للهِ حَمْدًا كَمَا اَمَرَ. وَأَشْهَدُ اَنْ لَّا إِلَهَ إِلَّا اللهُ وَحْدَهُ لاَ شَرِيْكَ لَهُ إِرغَامًا لِمَنْ جَحَدَ بِهِ وَكَفَرَ وَأَشْهَدُ أَنَّ سَيِّدَنَا مُحَمَّدًا عَبْدُهُ وَرَسُوْلُهُ سَيِّدُ الخَلاَئِقِ وَالبَشَرِ. اَللَّهُمُّ صَلِّ وَسَلِّمْ عَلَى سَيِّدِنَا مُحَمَّدٍ وَعَلَى اَلِهِ وَصَحْبِهِ مَا اتَّصَلَتْ عَيْنٌ بِنَظَرٍ وَاُذُنٌ بِخَبَرٍ, أَمَّا بَعْدُ: فَيَا َعِبادَ الله إِتَّقُوْا اللهَ تَعَالَى وَذَرُوْا الفَوَاخِشَ مَا ظَهَرَ مِنْهَا وَمَا بطَنَ وَحَافِظُوْا عَلَى الطَّاعَةِ وَخُضُوْرِ الجُمُعَةِ وَالجَمَاعَةِ وَاعْلَمُوا أَنَّ اللهَ أَمَرَكُمْ بِأَمْرٍ بَدَأَ فِيْهِ بِنَفْسِهِ وَثَنَّى بِمَلاَئِكَةِ المُسَبِّحَةِ بِقُدْسِهِ، فَقَالَ تَعَالىَ وَلَمْ يَزَلْ قَائِلاً عَلِيْمًا إِنَّ اللهَ وَمَلاَئِكَتَهُ يُصَلُّوْنَ عَلَى النَّبِيِّ يَااَيَّهَا الَّذِيْنَ أَمَنُوْا صَلُّوْا عَلَيْهِ وِسَلِّمُوْا تَسْلِيْمًا
اَللَّهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَعَلَى أَلِهِ وَصَحْبِهِ أَجمَعِيْنَ, اَللَّهُمَّ وَارْضَ عَنِ الخُلَفَاءِ الرَّاشِدِيْنَ الَّذِيْنَ قَضَوْا بِالحَقِّ وَكَانُوْا بِهِ يَعْدِلُوْنَ سَادَاتِنَا أَبِى بَكْرٍ وَعُمَرَ وَعُثْمَانَ وَعَلِيٍّ وَعَنْ سَائِرِ أَصْحَابِ نَبِيِّكَ أَجْمَعِيْنَ وَعَنِ التَّابِعِيْنَ وَمَنْ تَبِعَهُمْ بِإِحْسَانِ إِلَى يَوْمِ الدِّيْنِ
اللَهُمَّ اغْفِرْ لِلْمُسْلِمِيْنَ وَالمُسلِمَاتِ وَالمُؤْمِنِينَ وَالمُؤْمِنَاتِ اَلأَحْيَاءِ مِنْهُمْ وَالأَمْوَاتِ. اَللَّهُمَّ أَعِزَّ الإِسْلاَمَ وَالمُسْلِمِيْنَ وَأَعْلِ كَلِمَتَكَ إِلَى يَوْمِ الدِّيْنِ, اَللَّهُمَّ انْصُرْ مَنْ نَصَرَ الدِّيْنَ وَاخْذُلْ مَنْ خَذَلَ المُسْلِمِيْنَ. اَللَّهُمَّ أَهلِكِ اليَهُوْدَ وَالنَّصَارَى وَالْكَفَرَةَ وَالْمُشْرِكِيْنَ. اَللَّهُمَّ اَمِنَّا فِى دُوْرِنَا وَأَصْلِحْ وُلاَةَ أُمَوْرِنَا وَاجْعَلِ اللَّهُمَّ وِلاَيَتَنَا فِيْمَنْ خَافَكَ وَاتَّقَاكَ. اَللَّهُمَّ ادْفَعْ عَنَّا الغَلاَءَ وَالوَبَاءَ والرِّبَا وَالزِّنَا وَالزَّلاَزِلَ وَالْمِحَنَ وَسُوْءَ الفِتَنِ مَا ظَهَرَ مِنْهَا وَمَا بَطَنَ عَنْ بِلَدِنَا هَذَا خَاصَّةً وَعَنْ سَائِرِ بِلاَدِ المُسلِمِينَ العَامَّةً يَارَبَّ العَالَمِينَ رَبَّنَا آَتِنَا فِي الدُّنْيَا حَسَنَةً وَفِي الْآَخِرَةِ حَسَنَةً وَقِنَا عَذَابَ النَّارِ
عِبادَ الله ! إِنَّ اللهَ يَأمُرُ بِالعَدْلِ وَالْإِحْسَانِ وَإِيْتَاءِ ذِى القُربَى وَيَنْهَى عَنِ الفَخْشَاءِ وَالمُنْكَرِ وَالبَغْيِ يَعِظُكُم لَعَلَّكُم تَذَكَّرُوْنَ, فَاذْكُرُوْا اللهَ العَظِيْمَ يَذْكُرْكُمْ واشْكُرُوْهُ عَلَى نِعَمِهِ يَزِدْكُمْ وَاسْأَلُوْهُ مِنْ فَضْلِهِ يُعْطِكُمْ وَلَذِكْرُ اللهِ أَكبَرُ
Editor:
